Gecian Fashion Group", me risi për Kosova Internacional Fashion week

Agjencia e modës "Gecian Fashion Group" edhe sivjet organizon për herë të shtatë “Javën e modës” në vend përveç evenimentit “Kreatori më i mirë shqiptar“. Si çdo vit edhe kësaj here organizimi i “ Javës së modës” pritet të ketë shumë risi. Organizatori i “Javës së modës” dhe njëherësh pronari i "Gecian Fashion Group" për KultPlus tha se ky eveniment do të zgjasë 5 ditë.
“Java e modës zgjatë 5 ditë dhe gjatë kësaj kohe do të prezantohen kreacionet e kreatorëve më të mirë shqiptarë dhe normalisht edhe të kreatorëve me famë botërore, dhe ato kreacione njëkohësisht janë edhe në shitje ato për publikun që duan t’i blejnë. E mira e javës së modës është se kreacionet që prezantohen aty janë në shitje për të pranishmit në sallë por edhe për ata që duan t’i blejnë me porosi përmes telefonave gjatë javës që është në transmetim “Java e modës“ “, tha Geci
Ai shtoi se vetë fakti që organizimi bëhet prej shtatë vjetësh do të thotë që është bërë tradicional dhe se nuk do të shkëputet ky zinxhir. Ai tha se kjo është referencë shumë e mirë që i nxit akoma më shumë për punë.
“Në “Javën e modës“ këtë vit normalisht që do të ketë risi për vetë faktin që është për 5 ditë radhazi ne jemi ende në diskutim me RTV 21 që ta bëjmë shtatë ditë “ Javën e modës”, sepse ka interesim shumë të madh të kreatorëve që të jenë pjesë e këtij evenimenti pasi që brenda ditës më shumë se 5 kreatorë nuk mund të prezantohen. Janë të ftuar mbi 3 mijë persona, përveç pjesës se sfilatës do të ketë edhe muzikë, janë të ftuar shumë këngëtarë si Nora Istrefi, Genta Ismajli, Blero, Kaltrina Selimi e shumë këngëtarë të tjerë “ shtoi ndër të tjera Geci.

Kreatorët janë shumë mirënjohës ndaj Gecian Grupit dhe gjithmonë fituesit në “ Kreatorin më të mirë shqiptar” që është eveniment me karakter garues, kanë regjeneruar veten dhe kanë zgjeruar biznesin e tyre duke u bërë më të suksesshëm në botën e kreacioneve. Sepse të marrësh çmimin si kreatori më i mirë shqiptar nuk është pak tha Geci. Kreatorët janë ndarë shumë të kënaqur dhe vazhdojnë gjithmonë bashkëpunimin me Gecian Group.
“Ne si Gecian Fashion Group falë bashkëpunimeve të shumta, tash kemi filluar edhe me qendrat tona të modës. Vitin e kaluar kemi filluar në Ferizaj, do të thotë femra shqiptare nuk ka nevojë të udhëtojë në vende të ndryshme të botës për të kërkuar stilin dhe veshjen për shijen e saj pasi i ka të gjitha mundësitë për përzgjedhje. Ne i kemi mbi 40 kreatorë që kanë kreacionet e tyre.

Vitin e kaluar kanë qenë mbi 100 kreatorë që kanë shprehur dëshirën e tyre për të qenë të pranishëm në organizimin e “Javës së modës“.Revista Stil .